Breyttur æfingatími á morgun, laugardag

Sæl, öllömul!

Æfingin á morgun, laugardag, 19. október, verður frá kl. 14 til 15:15.

Birgir Jónasson þjálfari.

Tækniþjálfun - tækniæfingar

Sæl, öllsömul!

Tækniæfingar í umsjá undirritaðs munu hefjast fimmtudaginn 24. október nk. Upphaflega stóð til að hefja æfingar á morgun, 17. október, en vegna veikinda þjálfara er það ekki unnt. Því miður!

Fyrirkomulag æfinga verður með því sniði að drengir munu æfa með drengjum á eldra ári í 4. aldursflokki. Æfingarnar munu standa frá kl. 19:30 til 20, sem áður segir á fimmtudögum, og fara fram á sparkvellinum á Álftanesi.

Iðkendur þurfa sjálfir að leggja til knött. Mikilvægt er að iðkandi mæti með knött sem hæfir hans aldursflokki, t.d. ef leikið er með knött nr. þrjú að iðkandi eigi eða hafi til umráða knött í þeirri stærð. Þá er mikilvægt að loft sé í knöttum og að þeir séu af nokkuð vandaðri gerð og skoppi t.d. eðlilega. Er þetta gert í því augnamiði að hvetja iðkendur til þess að eiga knött og fara vel með hann.

Framangreind tækniþjálfun er byggð á viðurkenndum aðferðum við tækniþjálfun í knattspyrnu og er kennd við hið þekkta „Coerver-system“. Hugmyndafræðin gengur út á einstaklingstækniþjálfun og ekki síst því að iðkandi læri ákveðin grunnatriði sem hann sjálfur getur svo þróað með því að æfa sig sjálfur, aftur og aftur.

Birgir Jónasson tækniþjálfari.

Foreldrafundi frestað um eina viku

Sæl, öllsömul!

Ráðgerðum foreldrafundi, sem vera átti á morgun, fimmtudaginn 17. október, hefur verið frestað um eina viku, eða til fimmtudagsins 24. október, vegna veikinda þjálfara. Að öðru leyti stendur fyrra fundarboð.

Birgir Jónasson þjálfari.

Æfing fellur niður vegna landsleiks

Sæl, öllsömul!

Æfing fellur niður á morgun, þriðjudag, 15. október, vegna landsleiks Noregs og Íslands í undankeppni HM sem sýndur verðu beint í sjónvarpi og hefst kl. 18. Iðkendum stendur til boða að horfa á leikinn í félagsaðstöðunni.

Birgir Jónasson þjálfari.