Rey cup á morgun, föstudag

Sæl, öllsömul!

Samkvæmt leikjaáætlun er fyrsti leikur Álftaness á Rey cup á morgun, föstudag, kl. 10, þar sem att verður kappi við Fjarðabyggð. Þá verður leikið við norska liðið Ringvasoy IL kl. 16.

Sú breyting hefur verið gerð á leikjafyrirkomulagi morgundagsins að bætt hefur verið við einum leik, kl. 18, en þá verður att kappi við lið Fjarðabyggðar á ný. Í þann leik eru stúlkur úr 5. flokki boðaðar, þ.e. Birta, Guðný, Katrín og Silja, en þetta er eini leikur mótsins þar sem heimilt verður að leika með stúlkur sem ekki eru skráðar á mótið. Leikur þessi er einnig hugsaður fyrir þær sem ekki byrja inn á í öðrum leikjum, og þá mun Svandís maðurvörður leika sem útileikmaður í þessum leik. Tekið skal fram að leikur þessi er ekki hluti af mótinu heldur æfingaleikur sem fram fer að ósk Fjarðabyggðar, gagngert til þess að leika sex leiki í mótinu.

Vakin er athygli á því að allir leikir á morgun, sem og aðra daga móts, munu fara fram á sama leikvelli, þ.e. velli sem næstur er Suðurlandsbraut.

Stúlkur eiga að mæta við íþróttahúsið kl. 8:45 í fyrramálið í fatnaði merktum félagi og fullbúnar til leiks en lagt verður af stað í framhaldi á leikstað með einkabifreiðum. Þá er reiknað með að stúlkur fari heim að leik loknum og komi aftur á leikstað eigi síðar en 45 mínútum fyrir síðari mótsleikinn og dvelji á mótssvæði þar til leikjum Álftaness lýkur þann daginn, eða um kl. 19.

Birgir þjálfari.

Rey cup, breyting á leikjafyrirkomulagi

Sæl, öllsömul!

Sú breyting hefur orðið á leikjafyrirkomulagi Rey cup að óstaðfest lið, NN2, mun ekki taka þátt. Staðan er því sú að liðum mun fækka um eitt og verða fimm í stað sex.

Hefur þetta þær breytingar í för með sér að fyrirhugaður leikur á morgun, fimmtudag, verður ekki. Mögulega mun þetta einnig hafa áhrif á dagskrá sunnudags, eftir því hvernig mótið spilast. Af þessu leiðir að Álftanes mun ekki hefja leik á mótinu fyrr en á föstudag og þá samkvæmt áður auglýstu leikjaplani, þ.e. kl. 10 árdegis. 

Birgir þjálfari.

Æfing á morgun, fimmtudag

Sæl, öllsömul!

Þar sem enginn leikur er á Rey cup á morgun, fimmtudag, verður æfing á hefðbundnum tíma, þ.e. frá kl. 17:15. Verður hún ca klukkustund og af léttara tagi. 

Birgir þjálfari.

Rey cup, skjal með helstu upplýsingum

Sæl, öllsömul!

Undir eftirfarandi slóð má finna skjal sem Ármann Úlfarsson tók saman og hefur að geyma helstu grunnupplýsingar um þátttöku 4. flokks stúlkna á Rey cup: http://www.umfa.is/images/Myndir/KND/reycup2.pdf.

Skjalið er bæði ætlað iðkendum og foreldrum/forráðamönnum. Best væri ef hver og einn iðkandi mundi prenta skjalið út og hafa tiltækt meðan á móti stendur.  

Birgir þjálfari.