Álftanes - Grótta, stutt umfjöllun

Sælar, stúlkur!

Ég ætla að fara örfáum orðum um leik okkar við Gróttu í gær. Um ótrúlegan leik var að ræða en þegar við mættum sama liði fyrr í sumar urðu lyktir 0-8, okkur í vil. Nokkuð annað var uppi á teningum í gær. Grótta átti t.d. fyrstu marktilraun leiksins og gaf þannig tóninn. Eftir það fengum við nokkur mjög góð marktækifæri sem ekki nýttust. Fyrsta mark leiksins kom eftir rúmlega 15 mínútur en þar var Perla á ferð með mjög gott mark eftir skjóta hugsun sem kom í framhaldi af hornspyrnu. Eftir markið lokaðist leikurinn eilítið og við misstum tökin á honum, einhverra hluta vegna. Grótta komst smám saman inn í leikinn og náði að skora tvö mörk á ca fimm mínútna millibili seint í fyrri hálfleik. Eftir það var leikur okkar ráðalaus fram að leikhléi. 

Í síðari hálfleik gerðum við mun betur og pressuðum Gróttu það sem eftir lifði leiks. Náðum við að bæta varnarleik okkur verulega og sóknarleikurinn fylgdi á eftir. Við sköpuðum okkur urmul af hálffærum og skorfærum en fremur fá opin marktækifæri. Markvörður Gróttu gerði ítrekað vel og greip hvað eftir annað markskot okkar og fyrirgjafir sem hvoru tveggja ónákvæm. Þegar nokkrar mínútur lifðu eftir af leiknum náði Júlíana að jafna með góðu marki sem kom úr langskoti. Eftir það pressuðum við Gróttu eins og við ættum lífið að leysa. Það skilaði sigurmarki á 92. mínútu en þá komst Oddný ein gegn markverði og náði að vippa yfir markvörðinn með góðu skoti. Það við sat og urðu lyktir 3-2, okkur í vil. 

Heilt yfir er ég ekki ánægður með frammistöðu liðsins sem endurspeglar þann stað sem við erum á í dag. Vissulega gerðum við vel að ná að knýja fram sigur, sýna seiglu og gefast ekki upp. Á hinn bóginn komum við okkur í þessa stöðu sjálf sem að mínu mati var algjör óþarfi. Að mínu mati var sóknarleikur okkar vel útfærður framan af, án þess þó að við næðum að nýta breiddina eins vel og við ætluðum að gera. Á sama tíma var varnarleikur okkar slakur en eins og við töluðum átti hann að vera, því sem næst, maður á mann. Eitthvað allt annað var uppi á teningum á þeim tímapunkti og Gróttuleikmenn fóru alltof auðveldlega fram hjá okkur í stöðunni maður gegn manni. Af þeim sökum var varnarleikur okkar galopinn. Í síðari hálfleik náðum við að stoppa í götin, að mestu, en á móti náðum við ekki að skapa okkur eins mikið af opnum marktækifærum. 

Það er jákvætt að hafa unnið leikinn og hvernig við gerðum það skulum við taka með okkur. Annað úr leiknum er til íhugunar. Að mínu áliti skýrist framangreind frammistaða einkum af tveimur ástæðum. Í fyrsta lagi af skorti á tiltrú eftir mótlæti og ströggl í allt sumar. Í öðru lagi skorti á gæðum inni á miðsvæðinu og í sóknarleik okkar. Á báðum stöðum erum við að gera alltof mörg mistök, hugmyndaauðgi og hugrekki skortir og, umfram allt, ákveðinn vilja virðist skorta.

Stúlkur, látum ekki deigan síga heldur höldum ótrauðar áfram að æfa, læra og bæta okkur.           

Birgir Jónasson þjálfari. 

Sælar, stúlkur!

Ég ætla að fara örfáum orðum um leik okkar við Gróttu í gær. Um ótrúlegan leik var að ræða en þegar við mættum sama liði fyrr í sumar urðu lyktir 0-8, okkur í vil. Nokkuð annað var uppi á teningum í gær. Grótta átti t.d. fyrstu marktilraun leiksins og gaf þannig tóninn. Eftir það fengum við nokkur mjög góð marktækifæri sem ekki nýttust. Fyrsta mark leiksins kom eftir rúmlega 15 mínútur en þar var Perla á ferð með mjög gott mark eftir skjóta hugsun sem kom í framhaldi af hornspyrnu. Ef markið lokaðist leikurinn eilítið og við misstum tökin á leiknum, einhverra hluta vegna. Grótta komst inn í leikinn og náði að skora tvö mörk á ca fimm mínútna millibili seint í fyrri hálfleik. Eftir það var leikur okkar ráðalaus fram að leikhléi.

Í síðari hálfleik gerðum við mun betur og pressuðum Gróttu það sem eftir lifði leiks. Náðum við að bæta varnarleik okkur verulega og sóknarleikurinn fylgdi á eftir. Við sköpuðum okkur urmul af hálffærum og skorfærum en fremur fá opin marktækifæri. Markvörður Gróttu gerði ítrekað vel og greip hvað eftir annað markskot okkar og fyrirgjafir sem hvoru tveggja ónákvæm. Þegar nokkrar mínútur lifðu eftir af leiknum náði Júlíana að jafna með góðu marki sem kom úr langskoti. Eftir það pressuðum við Gróttu eins og við ættum lífið að leysa. Það skilaði sigurmarki á 92 mínútu en þá komst Oddný ein gegn markverði og náði að vippa yfir markvörðinn með góðu skoti. Það við sat og urðu lyktir 3-2, okkur í vil.

Heilt yfir er ég ekki ánægður með frammistöðu liðsins sem endurspeglar þann stað sem við erum á í dag. Vissulega gerðum við vel að ná að knýja fram sigur, sýna seiglu og gefast ekki upp. Á hinn bóginn komum við okkur í þessa stöðu sjálf sem að mínu mati var algjör óþarfi. Að mínu mati var sóknarleikur okkar vel útfærður framan af, án þess þó að við næðum að nýta breiddina eins vel og við ætluðum að gera. Á sama tíma var varnarleikur okkar slakur en eins og við töluðum átti hann að vera því sem næst maður á mann. Eitthvað allt annað var uppi á teningum á þeim tímapunkti og Gróttuleikmenn fóru alltof auðveldlega fram hjá okkur í stöðunni maður gegn manni. Af þeim sökum var varnarleikur okkar galopinn. Í síðari hálfleik náðum við að stoppa í götin en á móti náðum við ekki að skapa okkur eins mikið af opnum marktækifærum.

Það er jákvætt að hafa unnið leikinn og hvernig við gerðum það skulum við taka með okkur. Að mínu áliti skýrist framangreind frammistaða einkum af tveimur ástæðum. Í fyrsta lagi af skorti á tiltrú eftir mótlæti og ströggl í allt sumar. Í öðru lagi skorti á gæðum inni á miðsvæðinu og í sóknarleik okkar. Á báðum stöðum erum við að gera alltof mörg mistök, hugmyndaauðgi og hugrekki skortir og umfram allt ákveðinn vilja virðist skorta.          

Birgir Jónasson þjálfari.