Það helsta frá 7.flokks foreldrafundi 29. janúar.

Á foreldrafundinn í gær mættu foreldrar átta stráka í flokknum.

Það helsta sem rætt var og gert:

1. Skipað foreldraráð 7.flokks karla sem er þjálfara innan handar í málefnum fokksins. Eiga einnig að skipa eða
fá með sér foreldra í skipulag fyrir Norðurálsmótið 19. - 21. júní 2015.

Stefán pabbi Hákons, Hrafnhildur mamma Guðjóns, Steinunn mamma Andra,
Anna María mamma Snorra og Hulda mamma Jökuls 1. varamaður.
Við þökkum þessu góða fólki fyrir að leggja fram krafta sína:)

2. Rætt um Norðurálsmótið 2015.
Þetta mót er stóra verkefnið í sumar fyrir strákana. Það fer fram á Akranesi helgina 19. - 21. júní.
Upplýsingar um mótið koma inn á heimasíðuna kfia.is í febrúar svo endilega fylgist með því.
Kostnaður í fyrrasumar var 18.000 á strák og innifalið í því er gisting, fæði, vallarnesti, verðlaun og skemmtun.
Ég kem til með að auglýsa fjótlega hverjir verða með, eins og ég hef gert með önnur mót.
Síðan borgið þið 5000kr staðfestingargjald og við skráum fljölda liða og stráka í mars.
Seinni greiðaslan eða 13.000 verður svo borguð stuttu fyrir mótið sjálft.
Það verður haldinn annar fundur í mars þar sem við klárum þessi skipulagsatriði varðandi Norðurálsmótið.
T.d. nestisnefnd sem sér um að fá styrki og kaupa nesti fyrir strákana sem haft er við völlinn milli leikja, 
fatanefnd sem kannar áhuga á að foreldrar skarti Álftanesbláum peysum og strákarnir einhverju skjólgóðu líka
og örugglega fleira.

3. Næsta mót sem við erum skráð á í dag er stjörnumót T.M 26. apríl en við erum að vinna í að finna verkefni fyrr.

4. Stuttlega rætt um hvernig strákarnir eigi að vera klæddir á útiæfingum. Miðum bara við að þeir séu að fara út að leika. 
Betra að geta rennt niður eða geymt húfu heldur en að verða kalt.

Kveðja,
Ragnar Arinbjarnar.