Skemmtilegu tímabili hjá 6.fl kvenna lokið í ár. Flokkurinn fór á þónokkur mót þetta árið og var spilamennskan sem og frammistaðan alltaf betri með hverju móti sem farið var á. Stærstu mótin voru sumarmótin tvö, Króksmótið á Sauðarkróki og Símamótið í Kópavogi.
Við mættum á Símamótið með 3 lið og komum heim með 2 bikara. Það er ekki hægt að biðja um mikið betra en það. Lið 3 fór taplaust í gegnum mótið og sigldi síðan bikarnum heim með 4-3 sigri í úrslitaleiknum. Lið 1 vann sinn bikar í stórskemmtilegum úrslitaleik sem þær á endanum unnu 7-3.
Stelpurnar voru frábærar í ár. Orkumiklar, skemmtilegar og þrusugóðar í fótbolta. Það tóku allar stelpurnar miklum framförum og sýndu að með baráttu og leikgleði þá er allt hægt

Takk fyrir frábært tímabil!