Æfingaleikur á sunnudag
Á sunnudag, 17. nóvember, er ráðgert að leika æfingaleik í 11 manna knattspyrnu við B-lið Keflavíkur. Mun leikur þessi fara fram í Reykjaneshöllinni í Keflavík og hefjast kl. 14:20. Allar stúlkur flokksins eru að sjálfsögðu boðaðar, auk þess sem allmargar stúlkur í 4. flokki munu að sama skapi verða boðaðar, en að öðrum kosti yrði ekki kleift að leika 11 manna knattspyrnu. Tilkynna ber um öll forföll, það auðveldar skipulagningu.
Nánari tilhögun þessa verður kunngerð eigi síðar en á föstudag.
Birgir Jónasson þjálfari.
