Stjarnan - Álftanes, stutt umfjöllun um leik í Faxaflóamóti

Sæl, öllsömul.

Ætlum að fara nokkrum orðum um leikinn á laugardag gegn Stjörnunni. Um hörkuleik var að ræða sem háður var við nokkuð erfiðar aðstæður, bæði vegna kulda og roks. Íslands í desember og því breytum við ekki.

Við náðum að setja fyrsta mark leiksins sem var kannski svolítið gegn gangi leiks. Þar var Mist á ferð en markið kom eftir svonefndan „gamm“, þ.e. Emilía skaut á mark, markvörður Stjörnunnar varði og Mist fylgi á eftir og skoraði. Það skemmtilega er að þetta æfum við skipulega. Gaman þegar hlutirnir af æfingasvæðinu ganga upp.
Eftir það var svolítið á brattann að sækja, Stjarnan sótti meira en við vorum hættuleg í okkar skyndisóknum. Stjarnan náði að setja tvö í fyrri hálfleik og stóð 2-1 í leikhléi.

Í síðari hálfleik var jafnræði með liðum sem skiptust á að sækja. Bæði lið fengu prýðileg marktækifæri en Stjarnan nýtti sín betur og náði að setja tvö mörk í lokin. Lyktir urðu því 4-1, Stjörnunni í vil. Að mati okkar þjálfara var það fullstórt.

Heilt yfir erum við þjálfarar ánægðir með frammistöðuna og þetta er allt á réttri leið. Það var hugsun á bak við það sem vorum að gera og við reyndum nánast ávallt að spila knettinum á samherja. Það sem við þurfum að vinna í og bæta er að reyna halda knetti aðeins betur inni á miðjunni og vera hugrakkari að halda honum. Þá fannst okkur smá glufur myndast milli miðvarða og bakvarða. Það þurfum við að þétta.

Birgir og Guðbjörn þjálfarar.

Leikur í Faxaflóamóti 16. des., tilhögun

Sæl, öllsömul.

Á laugardag, 16. des., leikum við kappleik í Faxaflóamóti. Mótherjar eru Stjarnan og hefjast leikar kl. 11. Leikið verður á Stjörnuvelli.

Allar tiltækar stúlkur flokksins eru boðaðar. Mæting er á Stjörnuvöll kl. 10:15, en þar fáum við klefa. Mælst er til að stúlkur mæti fullbúnar til leiks.

Birgir Jónasson þjálfari.

Engin æfing í dag

Sæl öll,

Það verður ekki æfing í dag vegna uppskeruhátíðar knattspyrnudeildarinnar.

Næsta æfing er því á mánudaginn kl 18:00

 

Kv, Örn

4. flokkur kvenna á Álftanesi

Sæl öll,

 
Örn Ottesen heiti ég og ég mun verða þjálfari 4. flokks kvenna á Álftanesi. 
 
Nú er prufutímabilið hafið og eru nú þegar 2 æfingar búnar og mættu 4 á æfingu í gær (mánudag 12. sept) en í dag mættu 9 stelpur 13. sept, sem gefur góðan tón fyrir því að halda úti flokk fyrir þessa tvo árganga og vonandi heldur það þannig áfram. Prufutíminn mun halda áfram í september og í kjölfarið af því verða skráningar í lok september. 
 
Ég hef ákveðið að stofna Facebook grúppu þar sem upplýsingar koma þar inn. Einnig mun ég setja inn  efni á heimasíðu félagsins.
 
 
Endilega sækiði um aðgang að þeirri grúppu svo ég hafi betri sýn yfir foreldrana og upplýsingaflæðið verður auðveldara.
 
Kv, Örn Ottesen, þjálfari 4. flokks kvenna á Álftanesi.