Sæl, öllsömul!

Á morgun, föstudag, 1. nóvember, munu æfingar í tækjasal hefjast hjá 3. fokki stúlkna. Framkvæmd verður þannig háttað að innanhússtíma verður, að hluta, ráðstafað til umræddra æfinga. Fyrstu hálfu klukkustundina mun æfing fara fram í íþróttasal og í framhaldi mun ég fara með iðkendur í tækjasalinn í ca hálfa klukkustund.

Mun ég láta iðkendum í té skráningarblað sem þeir þurfa að fylla út meðan á æfingu stendur en ég mun svo taka umrætt skráningarblað í mínar vörslur að lokinni æfingu. Þetta geri ég til þess að tryggja að skráningarblöð glatist síður.

Enginn mun fara í tækjasalinn nema undir minni leiðsögn en Björgvin Júníusson, framkvæmdastjóri UMFÁ, mun verða mér innan handar eftir því sem þurfa þykir.

Birgir Jónasson þjálfari.