Æfingaleikur fyrir drengi sem ekki léku leik í Faxaflóamóti

Sæl, öllsömul!

Á sunnudag verður æfingaleikur við Hauka fyrir þá drengi sem ekki hófu leik í Faxaflóamóti á laugardaginn var gegn Gróttu, að undanskildum Guðmundi Inga og Aroni markvörðum sem báðir eru boðaðir. Munu þeir skiptast á að leika í marki og fá að spreyta sig sem útileikmenn.  

Æfingaleikurinn mun fara fram í Risanum í Hafnarfirði og hefjast kl. 15. Drengir þurfa að mæta ca 20 mínútum fyrir leik, fullbúnir til leiks. Keppnisskyrtur verða afhentar á leikstað.  

Birgir og Guðbjörn þjálfarar.  

Grótta - Álftanes: 3:4

Sæl, öllsömul!

Ég ætla þá að fara nokkrum orðum um leik Gróttu og Álftaness sem fram fór í morgun á Gróttuvelli við slæmar aðstæður vegna kulda og vindkælingar. Leikurinn var í Faxaflóamótinu. 

Skemmst er frá að segja að um hörkuleik var að ræða. Allnokkur getumunur var þó á liðunum þar sem okkar drengir voru mun sterkari, betur spilandi og mun hættulegri fram á við. Í fyrri hálfleik komu marktækifærin nánast á færibandi en inn vildi knötturinn ekki og af þeim sökum voru Gróttudrengir ávallt hættulegir í þau skipti sem þeim tókst að sækja. Léku þá okkar drengir með nokkuð sterkan vind í bakið. Á einhvern óskiljanlegan hátt var ekkert mark skorað í fyrri hálfleik. Kom þar tvennt til; frábær markvörður Gróttu og klaufagangur okkar drengja upp við markið, einkum í stöðunni einn gegn markverði. 

Síðari hálfleikur hafði ekki varað lengi þegar Gylfi Karl skoraði fyrsta mark leiksins eftir að hafa fengið stungusendingu inn fyrir vörn Gróttu. Stuttu síðar var Gylfi Karl aftur á ferðinni með gott mark eftir að hafa komist einn inn fyrir vörn Gróttu og leikið á markvörðinn. Eftir síðara markið slökuðu okkar drengir á og náðu Gróttudrengir að jafna metin með tveimur mörkum með stuttu millibili, þar af var hið fyrra afar ódýrt. Eftir það var eins og okkar drengir settu í annan gír og náðu að skora tvö mörk með skömmu millibili, fyrst Gylfi Karl með gott mark eftir að hafa komist inn fyrir vörn Gróttudrengja og hið síðara gerði Kjartan, einnig eftir að hafa komist inn fyrir flata vörn Gróttu. Eftir það virtust okkar drengir slaka á og Grótta náði að setja eitt mark í lokin. Lyktir urðu því 3:4, Álftanesi í vil. 

Ágæt úrslit en heilt yfir fannst mér frammistaðan ekkert sérstök. Einkum fannst mér okkar drengir ekki færa sér yfirburðina í nyt eins og þeir hafa getu og hæfileika til, því þeir voru miklu mun betri en Grótta. Vantaði talsvert upp á að breidd vallarins væri notuð sem skyldi og því voru drengir að athafna sig á alltof þröngu svæði vallarins. Skýrist það e. t. v. af því að ekki er æft á stórum velli að jafnaði. Þá fóru afar mörg úrvalsmarktækifæri í súginn og þar hefðu drengir getað gert betur. Af þeim sökum var Grótta inni í leiknum allan tímann. Á köflum voru þó góðir spilakaflar í leiknum, einkum inni á miðjunni og fram á við, og á það byggjum við og lærum af því sem betur hefði mátt fara. 

Birgir þjálfari.

Leikur í Faxaflóamóti á laugardag - liðsskipan og tilhögun

Sæl, öllsömul!

Eftirfarandi drengir eru hér með boðaðir í leik í 11 manna knattspyrnu í Faxaflóamóti á laugardag þar sem att verður kappi við Gróttu:

Alex Þór
Aron Logi
Atli Dagur
Bjarni Geir
Bolli Steinn
Daníel Guðjón
Davíð
Elías
Guðjón Ingi
Guðmundur Bjartur
Guðmundur Ingi
Gylfi Karl
Kjartan
Magnús Hólm
Sævar
Tómas
Örvar

Því miður er ekki unnt að velja alla iðkendur í þetta verkefni þar sem einungis er heimilt að hafa 18 drengi á leikskýrslu. Þá er ekki víst að allir framangreindir drengir, sem valdir hafa verið, fái að spreyta sig í umræddum leik. Mun það koma í ljós. Reynt verður að bæta iðkendum hvoru tveggja upp.

Leikar hefjast kl. 10 á laugardagsmorgun og verður leikið á Gróttuvelli á Seltjarnarnesi. Drengir þurfa að vera mætti ca 40 mínútum fyrir leik á Gróttuvöll, fullbúnir til leiks. Keppnisskyrtur verða afhentar á leikstað.

Foreldrar/forráðamenn eru hvattir til þess að skipuleggja sig innbyrðis svo tryggja megi að allir komist á áfangastað.

Birgir og Guðbjörn þjálfarar.

Fjáraflanir - tilkynning frá foreldraráði

Sæl, öllsömul!

Við höfum nú fengið leyfi fyrir nokkrum fjáröflunum og komið að þeirri næstu í röðinni.

Það sem við ætlum að selja á næstu dögum er þetta:

Salfiskur 1,5 kg – Selt á 3.000 kr.

Athugið að til sölu er aðeins það magn sem hver drengur kemur með heim í kvöld (þriðjudag).  Þessi vara er styrkur sem okkur áskotnaðist og verður ekki hægt að fá meiri fisk í bili.

Við mælumst til þess að pokinn sé seldur á 3.000 krónur og ágóðinn lagður inn á reikning ásamt ágóða af pappír og pokasölu.

Lúxus WC –þriggja laga pappír, 36 rúllur í pakka – Við seljum á 4.000 kr. –

Eldhúspappír 15 hálfskiptar rúllur í pakka  - Við seljum á 3.200 kr.  –

Svartir ruslapokar 25 stk. í rúllu – Við seljum á 1.500 kr. –

Eftir æfingu í kvöld (þriðjudag) munu drengirnir fá afhentan fiskinn, skráningablað og götur til að ganga í.

Við sem tókum að okkur að sjá um þessa fjáröflun viljum mælast til þess að þið verðið drengjunum innan handar og sjáið um að koma sölutölum til mín, Hildar, This email address is being protected from spambots. You need JavaScript enabled to view it., í síðasta lagi á sunnudag, 18. nóv.

Vörurnar (pappír og pokar) verða svo afhentar miðvikudaginn 22. nóvember. Þá þurfa allir að sækja á tilsettum tíma sem verður tilkynntur þegar nær dregur.

Okkur vantar enn húsnæði (bílskúr) eða bílaplan til að taka á móti bíl með sem vonandi verður drekkhlaðinn af seldum pappír  og pokum og auglýsi ég hérmeð eftir slíkri aðstöðu eina kvöldstund.

Varðandi sölutölur þá vil ég fá þær sundurliðaðar t.d.:

Fiskur, selt: 2 pokar (til að fá heildar krónutölu) Lúxus WC,  alls selt: 10 pakkar Eldhúspappír, alls selt:  10  pakkar Svartir ruslapokar , alls selt: 10  pakkar

Svo er bara að selja og selja …

Fyrir hönd fjáröflunarnefndar,

Hildur Gylfadóttir, 862-9292.