Leikir og æfingar framundan
Þakka góðan fund í gær og góða æfingu. Mun eftir föngum reyna að beina öllu upplýsingaflæði flokksins, fyrst um sinn, hér í gegnum heimasíðu félagsins. Bið því stúlkur um að fylgjast með og eftir atvikum miðla til annarra.
Er í óða önn að reyna að skipuleggja frestaða leiki í Faxaflóamóti. Hef sett mig í samband við þjálfara þeirra félaga sem við eigum frestaða leiki við en ég hef áhuga á að reyna að ljúka öllum frestuðum leikjum fyrir páska. Vonandi tekst það. Búið er að festa leik við Grindavík sem fram mun fara í Hópinu í Grindavík þriðjudaginn 31. mars, kl. 18, þar sem leikið verður átta gegn átta. Bið stúlkur um taka frá þann dag og/eða gera ráðstafanir til þess að komast í hann.
Þá er ég í óða önn að reyna að setja upp æfingatíma, með það að markmiði að reyna að færa allar æfingar út og þá í Garðabæ. Ekki er víst að það takist að fullu en það skýrist vonandi síðar í vikunni.
Minni svo á að næsta æfing er á morgun, þriðjudag, frá kl. 19:30, í Garðabæ.
Birgir Jónasson þjálfari.
