Sælar, stúlkur. 

Á morgun, þriðjudag, er fyrirhugað að leika í Faxaflóamóti. Mótherjar eru HK/Víkingur og hefjast leikar kl. 18 á Bessastaðavelli. 

Allar tiltækar stúlkur eru boðaðar, þ. á m. þær sem æft hafa með okkur og ekki eru skráðar í Álftanes. Stúlkur þurfa að mæta á leikstað kl. 16:45, með allan tiltækan búnað meðferðis. 

Veðurspá er miður góð (vonandi rætist hún ekki) og mun það koma í ljós um hádegisbil á morgun hvort kappleikurinn fari fram. Verði engin tilkynning komin inn kl. 13, mun leikurinn fara fram (nema eitthvað stórvægilegt gerist). 

Birgir Jónasson þjálfari. 

Sælar, stúlkur.

Það er ekki spennandi veðurspá fyrir kvöldið. Verðum að vona það besta og sjá hvað setur, en það er ekki borð fyrir báru að komast inn í sal vegna fyrirhugaðs blakleiks.

Ákvörðun um æfingu verður væntanlega tekin þegar á hólminn er komið.

Birgir Jónasson þjálfari.

Sælar, stúlkur. 

Knattspyrna er tilþrifaíþrótt. Fyrr í vikunni sá ég mögnuð sóknartilþrif hjá einum besta knattspyrnumanni heims. Sjá: https://www.youtube.com/watch?v=aUvv3aRlTe4. 

Í sjálfu sér ekki í frásögur færandi, ef ekki væri fyrir þær sakir að fyrir rúmum 20 árum sá ég einn besta knattspyrnumann heims, þess tíma, gera ekki ósvipað. Sjá: https://www.youtube.com/watch?v=Bs2xEACR9og. 

Mátti til með að deila þessu með ykkur. 

Birgir Jónasson.  

Sælar, stúlkur.

Dagskrá vikunnar verður eftirfarandi (birt með fyrirvara um breytingar):

Sunnudagur, kl. 17-18:30, gervigras.
Mánudagur, kl. kl. 18-19, gervigras
Þriðjudagur, kl. 18, leikur í Faxaflóamóti gegn HK/Víkingi (Bessastaðavöllur).
Fimmtudagur, kl. 18-19:30, gervigras.

Birgir Jónasson þjálfari.